‘‘Anticipated mass’’ pueding gibohon alas 9:00 nin banggui

An Archidiocesis nin Caceres sa Ciudad nin Naga ma-implementar kan ‘‘anticipated mass’’ sa pagsikad kan Misa de Gallo o Simbang Gabi puon sa Deciembre 15 bako lang alas 6:00 nin banggui envez puedeng magkaigwa pa nin dugang na misa alas 9:00 nin banggui.


An pagconducir nin nagkaperang Simbang Gabi mass bilang onra sa ‘‘Filipino Christian tradition alive’’


Si Padre Louie Occiano kan Saint Bartholomew Parish Priest sa Baao, Camarines Sur asin director kan Caceres Commission on Communication (CCOM) nagpahayag na an alas 9:00 banggui ‘‘anticipated mass’’ iyo an gigibohon sa saiyang paroquia.


An orihinal na Aguinaldo Masses ginigibo alas 4:00 nin aga sa laog nin siyam na sunod-sunod na aga alagad huli kan pandemya asin estrictong implementasyon kan ‘‘social distancing’’ base sa direktiva kan Inter Agency Task Force alagad binago an oras envez ginibo nang alas 6:00 nin aga asin igwa pang anticipated mass.


Si Arsobispo Rolando J. Tria Tirona, O.C.D., DD kan Caceres nagpaluwas nang Circular sa gabos na mga paroquia sa bagong oras kan Simbang Gabi asin an suhay na oras kan anticipated mass.


Kabale pa sa circular na pigmamandohan an mga paroquia na magkaigwa nin simbang gabi mass sa Barangay Chapels, alagad piglinaw ni Occiano dapat maenot an misa nin sarong oras sa paroquia.


An pagconducir nin mga misa sa Barangay Chapels tinutogon mantang limitado an paglaog sa simbahan huli kan estrictong implementasyon kan physical distancing.


Sinabi pa kan CCOM director na estrictong iimplementar kan mga paroquia an health protocol sa paglikay sa pagkuriyat kan virus.


Nin huli ta dai na tinutugot an paghaduk asin pagkapot sa mga imahen mantang igwa pang pandemya, an mga familia puedeng magdara kan saindang santo o imahen durante sa Christmass masses.