Apat na taon na termino kanBrgy, SK epektivo na sa Dec. 1

Hali sa dating tolong taon ma-epekto na sa Deciembre 1, 2026 hasta Deciembre 1, 2030 an apat na taon kan mga elihidong opisyales de barangay asin Sangguniang Kabataan na pigtalaan an pirilian sa Noviembre 2, 2026.

Ini base sa Acta Republica 12232 na nagtatalaan kan Barangay Sangguniang Kabataan Elections (BSKE) na dapat cada enot na Lunes kan Noviembre an BSKE dapat cada ika-apat na taon base sa Resolution No. 11207, sabi ni Atty. Maico Julia, Jr. Election Officer kan Commission on Election sa Ciudad nin Naga.

An commission nagpaluwas nin implementing rules para sa RA 12232 para sa pigtalaan na BSKE.

An dating tolong taon na termino pig-enmiendahan kan congreso asin epektivo na sa pigtalaan na BSKE sa Noviembre 2, 2026.

Sa kaparehong entrevista ki Julia, sinabi kaini na poon sa Septiembre 28 hasta Oktubre 5, 2026 iyo an filing kan certificate of candidacy mantang an campaign period poon sa Oktubre 22 hasta Oktubre 31, 2026 asin an eleksyon sa Noviembre 2, 2026.

Sa nakatalaan na BSKE isasabay an plebisto sa Naga bilang Highly Urbanized City matapos aprubaran kan Comelec Central Office.

Pasalamat si Alcalde Leni Robredo sa aksyon kan commission huli ta makakatipid sa gastos an LGU envez na P50-M posibleng mag-abot sana sa P22-M.