Aramon Ta

Ni: Ryan Mostar

1. Si Mel Carnahan an enot na senador sa Estados Unidos na guminana maski gadan na.

Kan 2000, nagadan siya sa sarong aksidente sa eroplano tolong semana bago an eleksyon, pero siya pa man giraray an nanggana. An saiyang agom, si Jean Carnahan, an tig-appoint bilang kapalit niya sa Senado.

2. An India may opsyon na “None of the Above” sa balota.

Ini nagpapahiling sa mga botante na pwede sindang magpahayag nin pormal na pagtaram na dai sinda sang-ayon sa gabos na kandidato. An “None of the Above” nagiging mas popular, asin sa pipirang eleksyon, nakakua pa ini nin mas dakulang boto kesa sa pipirang kandidato. 3 Si Charles Taylor, na responsable sa mga karahasan sa Liberia asin Sierra Leone, naggana sa eleksyon kan 1997 gamit an slogan: “He killed my ma, he killed my pa, but I will vote for him.” Maski sa saiyang brutal na reputasyon, naggana siya sa eleksyon, na nagpapahiling kan kahaditan asin desperasyon kan mga tawo sa panahon na ito.