Aramon Ta

Ni Ryan Mostar

1. An pinakahubin naihalal na alkalde sa kasaysayan nin Pilipinas iyo si Jamila Ruma, na naggana sa pagka-alkalde sa nakaaging 2025 eleksyon sa edad na 21. Siya an aki nin dating alkalde na binadil-gadan sa lalawigan nin Cagayan.

2. Si Miguel Luis “Migz” Villafuerte naggana bilang Gobernador nin Camarines Sur kan 2013 sa edad na 24, an pinakahubin na gobernador sa kasaysayan nin Pilipinas. Dinaog niya an saiyang lolo na si Luis Villafuerte Sr., sa nasabing eleksyon.

3. Sa eleksyon kan 2022, si Ferdinand “Bongbong” Marcos Jr. nakakua nin 31 milyong boto, an pinakadakulang boto na nakuha kan sarong kandidato sa kasaysayan kan Pilipinas. Nakua niya an 58.7% kan kabuuang boto. Ini an pinakadakulang landslide victory sa kasaysayan nin pagka-presidente sa Pilipinas.