Aramon Ta

Ni Ryan Mostar

1. Si Santa base ki San Nicolas, sarong maboot na obispo na nagtatao nin regalo sa mga pobre asin sa mga aki nin lihim. Bistado siya sa iba-ibang pangaran sa bilog na mundo, siring kan Santa Claus, Kris Kringle, Father Christmas, asin Sinterklaas.

   
   

2. An Noche Buena sarong handaan kan mga Pilipino na ginagibo sa banggi nin Disyembre 24 pagkatapos kan Misa de Gallo. Impluwensiya ini kan Espanya asin nagpapahiling kan pagkakaisa kan pamilya asin pasasalamat sa pagselebrar kan pagkamundag ni Kristo.

   
   

3. An “Silent Night” itinuturing na pinakasikat na kanta kan Pasko sa bilog na mundo. Sinurat ini sa Austria kan 1818 asin naitranslate na sa sobra 300 na lenggwahe, asin inaawit na sa iba-ibang bansa sa may 200 na taon na.