Aramon Ta

Ni: Ryan Mostar

Kun an Senado nasa sesyon, sarong seremonyal na mace an nakadisplay sa kataid kan rostrum kan Senate President. Bako sanang dekorasyon ini. Sa irarom kan tradisyon asin mga patakaran kan Senado, an mace nagsisimbolo kan authority kan Senado mismo. Kun mayo kaini, an Senado pigkokonsiderar na bakong legal an pagpuon kan sesyon.

Kun may senador na nagiging magulo habang nasa sesyon, an Sergeant-at-Arms puwedeng kuhaon mismo an mace sa pedestal niya asin ipresenta ini sa harap kan senador na nanggugulo bilang opisyal na paagi para ibalik an order sa sesyon.