Aramon Ta

Ni: Ryan Mostar

Bago pa man magin tampok sa Wimbledon, si Alex Eala naghali sa Pilipinas sa edad na 13 anyos para mag-training sa bantog sa kinaban na Rafa Nadal Academy sa Mallorca, Spain. An akademyang ini, na itinukod kan alamat sa tennis na si Rafael Nadal, bistado sa paghubog nin mga world-class na parakawat sa paagi kan istriktong ensayo sa tennis asin pormal na edukasyon. Duman hinasa ni Alex an saiyang talento na nagbunga kan siya an nagin enot na Pilipino na nanggana nin titulo sa junior Grand Slam singles.