Aramon Ta

Bago nagin City Administrator kan Naga, si Atty. Noreen San Luis-Lutey nagin Regional Director kan LTO sa Bicol, asin an paglaog niya sa gobyerno may interesanteng istorya: si dating Naga Mayor Jesse Robredo mismo an nag-alok saiya kan posisyon. Sa enot, nagduwa-duwa pa siya ta sanay siya sa pribadong praktis bilang abogado. Sa huri, tig-accept siya—asin nagin importante an saiyang trabaho sa road safety, lalo na an STRUT (Students Today, Road Users Tomorrow), na nagpoon bilang advocacy para sa road safety asin nagin programa sa mga eskwelahan. Ngonyan, makalipas an mga taon sa LTO asin NLEX, nagbalik siya sa Naga bilang bagong City Administrator.