Aramon Ta

Ni: Ryan Mostar

An confidential fund iyo an pondo para sa surveillance activities kan civilian government agencies na konektado sa mandato o operasyon ninda. Iba ini sa intelligence fund, na ginagamit para sa intelligence information-gathering na may direktang epekto sa national security.

Maski confidential an apod, dai ini exempted sa accountability. Sakop pa man giraray ini kan mga patakaran sa paggamit, reporting, accounting asin auditing kan gobyerno. Puwedeng sikreto o confidential an detalye kan operasyon, pero bako sikreto an pananagutan sa kwarta kan publiko.