Aramon Ta

Ni: Ryan Mostar

Sarong teorya an nag-uugnay kan pangaran na “dengue” sa tataramon na Swahili na dinga o denga, na nangangahulugan nin helang na may kasabay na pamumulikat o pagtaragas kan lawas. Bago pa man nagin helang nin tawo an dengue, an mga ninuno kan virus pinaniniwalaan na nag-iikot sa mga unggoy asin mga lamok sa kagubatan. Sa paglipas kan panahon, nakalipat an virus sa tawo, asin an Aedes aegypti na lamok an nagin tagapagdara kaini dahil haranihon ini sa tawo asin nagsusugok sa saradit na container na may tubig—arog kan timba, paso, bote asin lumang gulong.