Aramon Ta

Ni Ryan Mostar

1. Maski pig-aapod na “black box”, an flight data recorder asin cockpit voice recorder sa eroplano kulay orange talaga ini — bako itom. Ginigibo ini tanganing mas madali sindang mahanap sa lugar kun sain nagkaigwa nin aksidente. An pangaran na “black box” naghali sa mga orihinal na kagamitan sa eroplano na kadaklan nakasaray sa mga itom na kahon, pero sa ngunyan, an maliwanag na kulay mas praktikal para hanapon.

2. Sa mga commercial flights, an pilot asin co-pilot dai pinapakakan nin parehas na kakanon. An regulasyon na ini para iwasan an sabay na pagkakaigwa nin food poisoning. Kun magkaigwa man nin problema an sarong piloto, an saro pwedeng magpadagos magmaneho kan eroplano.