Aramon Ta

Ni: Ryan Mostar

Dati bakong September an pagselebrar kan Peñafrancia Fiesta. July ini puon 1895 sagkod 1904, matapos an rescript ni Pope Leo XIII na nagtakda kan fiesta sa first Sunday nin July. Pero kan Abril 8, 1905, nagpagibo nin petition si Bishop Jorge Barlin asin nagpaluwas si Pope Pius X nin bagong rescript na ibalik an selebrasyon sa September—partikular, sa Domingo pagkatapos kan Octave kan Nativity of the Blessed Virgin Mary. An Nativity ni Maria selebrado kada September 8, kaya an octave nagtatapos sa September 15, asin an Peñafrancia Fiesta iyo an Domingo pagkatapos kaiyan. Kaya an September celebration na pamilyar sa mga Bicolano ngunyan, resulta man palan nin sarong desisyon na ginibo mahigit 120 taon na an nakaagi.