Aramon Ta

Ni Ryan Mostar

1. An sabong ginigibo na libangan asin ritwal kan mga Pilipino bago pa mag abot an mga Kastila. Si Antonio Pigafetta, an parasurat ni Magellan, nagsurat manunungod kaini kan 1521.

2. Kan panahon kan Kastila asin Amerikano, ginibo legal asin binuwisan an sabong dahilan tanganing magkaigwa nin kita an gobyerno.

3. An pangaran na kristo hale sa paagi kan mga taga-taya mag-dupa kan saindang braso paluwas —parang si Kristo sa krus — para magsignar nin taya.