ASF nakalaog na sa Partido district

Perang bulan na zero sa African swine fever (ASF) an Partido district alagad nakumfirmar na nagkapera nang mga barangay sa Caramoan, Camarines Sur tinamaan na kan virus sa hayop an ataman na mga orig.


Si Alcalde Marilyn Co kan LGU Caramoan nagpahayag na nagkapera nang origan sa saindang banwaan an tinamaan na kan ASF na nagpadisganar sa mga hog growers.


An mga barangay na piglaog na kan ASF iyo an Patag, Belen asin Hulong-hugong na saro sa piglalaoman kan mga paraoma mantang apektado pa sinda kan nakaaging mga calamidad.


An Municipal Agriculturist Office (MAO) nag-apelar sa mga nag-aataman kan hayop na dai na muna maggamit nin sagmaw na pambahog.


Hinahagad kan lokal na gobierno an kooperasyon kan mga taga barangay na i-report tolos sa MAO asin isumbong kun igwang ilegal na nagta-transportar kan karne gadan man o buhay na orig.