ASINTADO!

Tigsik an mga enot na panahon

Dae pa uso an social media, television ..

Kaya an namamanwaan matuninong

Pagbago kan technology, nagin urag-uragon!

Tigsik ko an lola kong tingdilisa

Pusikit na paradangog nin drama

Kun mamundo an mga istorya

Wagas an pagluha,  feelingera!

Tigsik ko an comentarista kan suanoy na panahon

Sobrang alimpasay kun iguang election 

Mga platica, ika susuguton

Utak mo dagos nang mariribong!

Tigsik ko an respetadong Rufo Tuy, Jr.

Sa broadcast industry saro nang institution

Mga maconsuelong Bikol na tataramon

Sakong pighihidaw, magayon dangogon!

Tigsik ko an mga DJ kan enot na panahon

Mga boses po ninda malumhukon

Sa saimong talinga magirokon

Arog ki Dunn Russel, sakuyang idol!

An beteranong si Joe Osabal tigsik ko man

Pigbabatikos, pigbabansagan

Dawa ilampog o ilabay man

ASINTADO sa Radyo! Number One!