ATTORNEY D. CAMPANILLA

Tigsik ko po si Kit Hinanakit

An pagnamit pirming mapait

Kakambal an dusa asin sakit

Sangribong kulog boot an bitbit!

Tigsik ko man si Dely Delencia

Sarong magulang na contratista

Sa mga proyektong inalamusa

Pareho na an yaman sa Congresista!

Tigsik ko si Bongbong Tilibong

Nagparatalibong sa maghapon

Pag-abot kan bangging malipoton

Nagkulog an payo, nagparadayuyoy!

Tigsik ko si Mado Malasado

Madaling magkalintar an payo

Ginatungan nin basang sungo

Kan naluto, an luwas inaburido!

Tigsik ko man si Santy Santilmo

Sarong paraanab na tawo

Harayo pa an hawak sa camposanto

Nag-aagrangay na sa impiyerno!

Tigsik ko si Attorney D. Campanilla

Hipid an porma, oragon magplatika

May hearing sa husgado cada semana

Nagraraganting an sensilyo sa bulsa!