top of page

Bagong administrador kan LGU Naga pigngaranan

Pormal nang pig-anunsyo sa publico ni Alkalde Nelson Legacion an ngaran kan bagong matukaw na city administrator bilang salida ki Acting City Administrator Francisco Mendoza na nagseserbing concurrent city budget officer, acting ESSO head asin acting city agriculture officer.

Pigpahayag kan alkalde na pigmarhay niyang ilaag sa pwesto bilang city administrator si dating city councilor Elmer Baldemoro oras na magpaso na an termino kaini bilang kagawad kan syudad sa maabot na June 30, asin magpoon tulos kan trabaho sa bagong kaining posisyon poon July 1, 2022.


Si Baldemoro, saro sa tolong city councilors kan ciudad na nakatalaan na matapos an turno arog ninda City Councilor Mila Raquid-Arroyo, sarong abogada, asin City Councilor Greg Abonal. Kan nagtalikod na Lunes, an tolo nagtao nin pasasalamat sa mga taga Naga huli kan tiwalang pigtao sainda na makapagserbi bilang mga elehidong opisyales sa laog nin 9 na taon o tolong termino.


Nagpahayag nin makusog na paglaom an alkalde na magagampanan ni Baldemoro an bago niyang trabaho para sa pagpapadagos kan marhay na serbisyo kan syudad.


Comentarios


bottom of page