Bagong City Administrator Atty.Lutey nag-asumir na sa pwesto

Nag-asumir na sa pwesto si Atty. Noreen San Luis-Lutey bilang bagong City Administrator kan City Hall poon Agosto 1, 2026 matapos saiyang akoon an pig-opresir na posisyon ni Alcalde Leni Robredo nganing makatuwang sa trabaho sa gobierno lokal.

Sinabi ni Atty. Lutey na kabale sa instruksyon kan jefe ejecutivo saiya iyo an pag-monitor kan mga priority projects siring sa rehabilitasyon kan JMR Coliseum, Sport Complex sa Barangay Pacol, magin sa problema sa trafico kan ciudad asin iba pa.

Tinukahan siya sa pwesto ni Robredo huli kan kakayahan o capacidad sa trabaho mantang nagkapot nin mga halangkaw na posisyon sa gobierno.

Pwedeng mag-contact sa Manila kasunod kan mga koneksyon kaini sa mga ahencia de gobierno nasyonal, sabi pa kan alcalde.

Sinikwal ni Robredo an mga espekulasyon na an pagnombra nganing iyo an masunod na candidatong alcalde sa ciudad encaso madagos siya magdalagan sa cargong presidente sa eleksyon sa 2028.

Si Lutey, dating regional director kan Land Transportation Office (LTO) sa Bicol asin sa NCR saka dating nagkapot nin halangkaw na posisyon sa NLEX.