Bagong jefe kan Bicol PNP tubong Camarines Sur

Saro naman na Bicolano an bagong regional director kan Philippine National Police (PNP), PBGen Nestor C. Babagay na tubong Ciudad nin Iriga.

Orgolyo ni PBGen Andre Dizon, regional director kan Philippine National Police (PNP) na sarong kaparejo niyang Bicolano an nagribay sa saiya komo bagong jefe kan PNP Bicol na hale digdi sa Camarines Sur.

Sinabi ni Lt Col Malou Calubaquib spokesperson kan Bicol PNP si Dizon madedestino komo bagong Commandant kan PNPA sa sa Ciudad nin Cavite.

An turn-over of command ginibo kasoodma, Hulyo 16, 2025 na pinangenotan ni PNP Chief Nicolas Torre III na ginibo sa Camp Simeon Ola, Ciudad nin Legazpi asin inatenderan kan mga Provincial Directors sa Bicol maging kan mga jefe de pulisiya asin iba pang opisyales kan PNP.

Si Babagay nagtapos nin Bachelor of Science in Criminology sa University of Saint Anthony (USANT), Ciudad nin Iriga alagad antes siyang naglaog sa serbisyo kan PNP tinapos niya an Bachelor of Science in Public Safety sa Philippine National Police Academy (PNPA) kan taon 1995. Afuera kaini, nagtapos nin Master of Arts in Peace and Security sa Bicol University sa Ciudad nin Legazpi.

Sinabi pa kan Bicol PNP, antes siyang madestino digdi sa rehiyon nagserbe komo Director kan Police Security and Protection Group asin dating Commandant kan PNPA.

An pag-okag kan mga pamayo sa PNP piglalaoman na mantang nagtukaw an bagong jefe kan PNP sa nasyon na si PNP Chief Torre.

Afuera kaini, digdi sa rehiyon Bicol isusunod an mga provincial director sundo sa mga jefe de pulisya kan MPS.