Bagong Presidente kan Amerika

ENERO 21, 2025, an aldaw nin pag pangadye na magka sararo an gabos na tawo sa nasyon nin Amerika – sarong tradisyon na ginigibo sa sunod na aldaw pagka inagurar nin bagong presidente. Pig gigibo ining tiripon na ini kairiba an iba-ibang relihyon sa sarong dakulang katidral sa Washington.
Enero 20, 2025 an aldaw na pag sumpa ni Donald Trump sa pagka 47 presidente kan Amerika. Nag poon an aldaw niya sa sarong pribadong pag simba sa presensya ni Katolikong Cardinal Dolan asin kan Evangelistang Protestante na si Franklin Graham.
Pagka tapos kan serbisyo sa simbahan nag pasiring si Trump saka entorahe niya sa Arlington Cemetery nganing mag taong respeto sa inaapod na “Tomb of the Unknown Soldier” o lubungan kan mga dae na nakuang mga soldados. Kabali igdi sa pag taong respeto si mga nagka garadan nang mga beterano asin mga soldados. Kun sa Pilipinas, igwa kitang pig aapod na Libingan ng mga Bayani.
Hali sa Arlington Cemetery nag pasiring si Trump sa laog kan kapitolyo kan Washington kun sain siya ma sumpa. Tradisyon na kan pag sumpa na gibohon sa luwas kan kapitolyo pero sa aldaw na ini ginibo an pag sumpa sa laog ta grabe an lipot sa luwas.
Dikit lang na tawo (mga 600) an makaka husto kun sain ma sumpa si Trump kaya pig buksan ninda si sarong istadyum na harani duman - duman sa inaapod na Capital One Stadium kun sain makaka husto an mga 21,000 na tawo.
Ma pasiring na lang duman si Trump pagka tapos niya pag sumpa nganing mag taram asin mag pasalamat sa mga tawo. Sa halipot na pag taram, kadakul dae naka atender ta limitado lang an mga kapasidad kan Capital One Stadium saka an laog kan kapitolyo. An lipot kan aldaw na ito mga -12.2 degrees celcius o mga 10 degrees Fahrenheit.
DAGOS AN SEREMONYAS asin pag sumpa ni Trump. Nag taram si Trump sa nasyon manungod sa mga nangyari saiya sa buhay. Sinabi niya na duwang beses na siya gustong asasinaron. Sarong bes tinamaan si talinga niya kan bala. Si sunod na dakop kan mga seguridad niya si ma asasinar saiya na nag tatago sa mga kahoy harani kun sain siya nag kakawat nin golf. Sinabi niya na an mahal na Dios an nag salbar saiya sa mga pangyayaring ini ta may plano daa an Dios na pakarayon niya an Amerika.
Pina liwanag niya man si mga gigibohon niyang mga ehekutibang orden na ma poon tulos.
An saro niyang orden iyo an pag sara kan mga border nganing mayo nang maka laog nin mga illegal na migrante sa mga border kan Mexico asin Texas. Kabali na digdi sa orden an pag dakop sa mga illegal na migrante na may mga krimen sa Amerika o sa mga lugar kun sain sinda hali.
Dakul na mga pamilya an na apektohan kan mga krimen na ini. May na aprobar nang ley an congreso na inaapod na Laken Riley Law na kaipuhan ma deporta tulos an mga illegal na nag kaka igwang krimen.
Nag orden man siya na ribayan an pangaran kan Gulf of Mexico nin Gulf of Amerika.
Saro pang orden niya iyo an pag hali sa inaapod na “gender ideology guidance”. An orden na ini ginigibong opisyal na duwa lang an henero kan tawo – babae lang saka lalake lang. An gustong sabihon digdi dae na pwede mag arog na an lalake pwede magin babae o an babae pwede magin lalake. Mayo nang diskriminasyon pag abot sa bagay na ini.
Kairiba na igdi an orden na an mga lalake dae pwede mag bali o mag kompetisyon sa mga sports kan babae.
Saro pang orden niya iyo an pag produsir nin sadiri tang gas o petrolio sa Amerika nganing mag barato an gas na mag reresulta sa pag baba kan mga presyo kan dakul na barakalon.
Dakul pa si Trump na pinirmahan na mga orden para sa seguridad asin katuninungan kan Amerika. Mahihiling ta sa mga maabot na aldaw an mga resulta kaini. Kabali na digdi si mga pag dakop kan mga illegal na mga migranteng kriminal na mga miembro kan mga gang.
Ginibo man ni Trump na itong mga kartel kan fentanyl ilaag sa kategorya nin mga terorista. An boot sabihon pwede niya na gamiton an militar sa pag laban kan mga kartel kan fentanyl asin ibang droga na dara kan mga illegal na migrante.
Kadakul na karahayan an gigibohon ni Trump sa Amerika. May survey ngunian na 67% kan mga jovenes sa Amerika poon edad 18 abot 29 natubod na positibo an futuro ninda sa irarom ni Trump.
Sa ibong na lado dae mahahali an mga kalaban sa politika. Pangadye ko lang magka sararo na an mga politico sa Amerika. Kan inagurasyon ni Trump pig rani niya si Senador Schumer na sarong senador na pirming kinaka laban si Trump. Sinabihan ni Trump si Schumer na kaipuhan magka sararo na sinda imbes na puro na lang iriwal.
Mayo na si dating presidente Biden. Mga 15 minutos bago mag sumpa si Trump nag hirit pa si Biden na tawan ni pardon si 5 pang miembro kan pamilya niya. Dae ta aram kun tano ta pig tawan niya nin pardon ining mga miembro kan pamilya niya. Dae ta aram kun ano an krimen na tinatago ninda.
Sa lado man ni Trump pig tawan niya nin pardon itong mga naka sangkot na mga tawong kinasuhan kan gobyerno (DOJ) kan Enero 6, 2021 rally. Dakul na mga tawong nag dadalan lang o nag lalakaw-lakaw an mga na aresto maski mayo sindang ginibong maraot. Dakul na preso asin naraot an buhay. Tinawan sinda nin pardon ni Trump kan Enero 20 pag tukaw niya tulos.
BAKO AKONG POLITIKO asin nag boboto ako segun sa karacter kan kandidato. Nag bago lang si pag respeto ko ki Harris kan sinabi niya duman sa duwang kristiyano na nagsabing “Christ is King, Jesus is Lord,” na sala an rally na dinumanan ninda asin dae sinda welcome duman sa rally ni Harris.
Dakul nang nag babago sa kinaban sa pag gana ni Trump. Kun dae siya nag sabi sa mga teroristang Hamas na kaipuhan papulion si mga hostage kan Israel ta kun dae, impyerno an aabuton ninda,, dae ma hiro an mga teroristang Hamas.
Bako siyang perfectong tawo. May mga kasalan man siya pero dakula an pag tubod niya asin an pag sarig niya sa Diyos. Dakul na beses na siya gustong pa tumbahon kan mga kalaban niya pero naka presidente siya. Dakul na mga tawong may personal na angot ki Trump. An sabi kan iba hambugon daa o dae lang ninda gusto an lalawugon.
Pero gabos kita may mga sadiring pag tubod asin sadiring kandidato pero respetuhan ta an ibang pag tubod nganing maging matuninong an buhay.
Dakul na magayon asin mga marhay na mangyayari sa Amerika. Nagbabalik na ngani an mga Biblia sa mga publikong lugar. Pwede na mag display nin 10 commandments. Kan Krismas puro na Meri Krismas an mga nadadangog ko. Bako nang happy holidays. Kun nag tataram si Trump pirmi niya nasasambitan na si Hesu Kristo an nag salbar saiya. Natubod ako na sa ano man na bagay lalo na sa mga nangyayari ngunian na panahon, kaipuhan ta ilaag an Diyos primero.
Comments