BAHAaaa!

Tigsik ko an sarong congressman na taga Zamboanga

May bill - firing squad sa mga curapto ta

Nunca mapasar duman sa Camara

Ta an mararadas sinda man sana!

Tigsik ko an ibang nasa gobyerno ta

Overrr an hibog kan pandok ninda

An pigpapakakan sa pamilya

Hinabasan sa saindang ahencia!

Tigsik ko ngonian an satuyang nacion

Kadakol an mga urag-uragon

An napiling trabaho sa mahabon

Pirak gikan sa ghost project bilyonbilyon!

Tigsik ko an style sa gobyerno

Kun may mainit, sensitibong isyu

Pigriribaraw an mga tawo

Pigtatapalan eksenang panibago!

An ganap sa gobyerno tigsik ko man

"Pare, wag mong masyadong galingan!"

Kun initan ka, ika sisikadan

Deretso sa kangkongan, wawa ka man!

Tigsik ko an baha, duwang klase daa

Primero - butod an bilog na banwa

Ikaduwa  - lamuslamos mga buaya

Sa hinaklab bilyones na kuwarta!