BAHAG AN IKOG!

Tigsik ko an flood control project

Favorite kan mga politicong maikit

Dakol digdi an saindang nakukupit

Buaya sa lawod, switik, ganid!

Tigsik ko an may alimhon sa payo

Sa Kahimanwa mayong pakimano

Kun may calamidad arog kan bago

Sa ibang nacion minapasiram, tonto!

Tigsik ko an pag-abot kan delubyo

Kinakatakotan kan bilog na mundo

Kurabkutab kan daghan, kulog sa payo

Minaarang sa gabos na Santo!

Tigsik ko po ining Luki-luki

Urag-uragon na aki

Naghamon makibugti

Natakot, nag-atras, NGEEE!

Tigsik ko an alkaldeng maribok

Sige an kutak dae man masogoc

An yagbols yaon palan sa angog

Yakkk, kurundot, punggok saka bugok!

Tigsik ko ining habroson

Makusog boot maghamon

Ito palan tapayason

Bahag ikog, nagpatuyatoy!