Baldemoro iyo mapugol kan appropriation committee sa SP

Pupugolan ni Councilor elect Elmer Baldemoro an committee on appropriation sa pagbalik sa Sanggunian Panlungsod sa Hulyo uno, 2025 saka chairmanships sa committee on Solo Parent; committee on Children asin PWDs.

An chairmanship sa appropriation committee tradisyonal nang nakukua kan consejal na nangenotan o nakakua kan premirong pwesto sa resulta kan nakaaging midtern eletions.

Sinabi kan councilor elect kan nakaaging semana nagpaapod nang miting si Vice Mayor elect Congressman Gabby Bordado na saro sa pigpinalisar iyo an pagbaranga-banga kan mga komite nganing pag-asumir sa Hulyo uno preparado na an lambang consejal kan saindang pupugolan na mga komitiba.

Si Baldemoro enot nang nakatapos kan saiyang tolong termino sa consejo sa panahon ni dating Alcalde John Bongat mantang pakatapos kan termino sa SP kinua siya bilang City Administration ni outgoing Mayor asin ngunian Congressman elect Nelson Legacion.

Sa pag-asumir kan bagong komposisyon kan Sangguniang Panlungsod sa Hulyo 1, 2025 nagtalaan tolos nin sesyon regular si Bise Alcalde Bordado.

An iba pang mga miembros kan consejo iyo sinda Consejales Ghiel Rosales, Gilda Gayle Abona-Gomez, Jessie Albeus, Jude Diokno, Melvin Ramon Buenafe, Dr. Butch Borja, Frank Mendoza, Nathan Sergio, Areiz Macaraig, asin mga ex-officio member na sinda Corazon Peñaflor saka Jefson Romeo Felix.