Baldmoro Bikolano Boxer

Kan sakuyang pig hapot si Councilor Elmer Baldemoro kung ano ang relasyon niya ki “Flash Baldemoro” ang bikolanong boksingero na tubong Santa Cruz digdi sa Naga City, na nabisto sa interong nacion kan decada 60, haros dai na niya maipaliwanag ang saiyang relasyon ta ang boksingero saro daang harayong pinsan. An Sakuya kutanang interes iyo na, kung en caso harani pang parente si Councilor, nababagay siyang hagaran nin tabang para mag pasar nin ordinansa na mapakusog kan isport na boksing sa Naga City, ta sa historya nin boksing, bihira sa Naga City ang nagka iguang boksingero na nakipaglaban duman sa Manila arog kan dai pa nagsisikat si Manny Pacquiao. Si Flash Baldemoro sarong professional boxer duman sa Manila asin kung yaon sa Naga nagpapahiling ni exhibition sa may tulay kan tabuco kasabay an iba pang boksingero na may apelyidong Orcine, tubong Abella. Minsan pang pig introducer man ni Mr. Pedro Lee an kawat na boksing digdi sa Naga, ini dai man nag agwanta ninhuli ta bihira na Naguenio ang mahilig sa boksing. Sa paboksing ni Mr. Pedro Lee, dai ko tolos naisihan na ang aki kong junior na si BJ nag eedad kaidto nin 10 anyos an pig iba kan tugang kong si Arnel para magpalista asin maglaban sa laog kan ring sa Kinastilyohan sa Plaza Quezon ta an premyo P500. Kan mahiling ni depuntong Mario Ochoa na iyo an chairman sa boxing, dai pig ako an sakuyang junior sa rason na herak man daa ta ini bubungawon sana ta ang makakalban na mga aki, gikan sa mga bistadong stable sa sipocot na aki kan mga boksingero na sana sa kawat na boksing samantalang ang aki ko , bara bara ang aram na suntok. Maski ngani sinabi man ni Councilor Elmer Baldemoro na distant relative niya si Flash Baldemoro, dai ko mahale sa sakuyang pagtubod na si Honorable Counci, tunay na may dugong bonsingero ta lalaking lalaki ang saiyang tindog, macho, guapo asin straight body, halakbang ang abaga asin maliksi maghiro. Ang mga gurangan sa Santa Cruz, durante kan karampanyahan, nag uyon na iboto si Elmer Baldemoro bilang pag romdom sa katanyagan asin sakripisyo kan bikolanong boksingero na si “Flash Baldmoro”