BEST FRIEND FOREVER

Tigsik ko si Senador Boy Dila

May secret palan saka si Tanda

Tibaad an alipores mabulaga

Kun duman sa Senado marata!

Si Mister Malas Sakit tigsik ko man

An programa sa salud pig-abhaw

Ikinabit sa saiyang pangaran

Dakol an nabudol na mga mangmang!

Tigsik ko an nakaaging Pandemic

Imported na bolong ginibong magic

Presyo pigresetahan kan mga switik

Partners in crime trilliones an kabig!

Tigsik ko an nakaaging kabulastogan

An Mastermind an feeling hayahay

Pigbulgar kan Oragon kaya nagsangaw

An lusbot kan Mastermind garong pigsisilihan!

Tigsik ko an mga Panatico

Sus, an ugali makagulogulo

Dawa martilyohon mo an saindang payo

Sagad an pagsamba sa Santong Diablo!

Tigsik ko an tolong mag-BFF

Pirang bulan na lang an pag-wait, wait, wait

Mahirilingan na, sus, excited

Mareunion na duman sa the Hague!