BFP CSur nakaalerto sa Fire Prevention Month

Nakaalerto na an Bureau of Fire Protection (BFP) sa Camarines Sur sa Fire Prevention Month yaon pa an El Niño Phenomenon na dapat dubleng likay an publico sa kalayo mantang naglangkaw an mga insidente nin kasulo kan Enero 2024 kumpara kan nagtalikod na taon sa kaparehong peryodo.

Nganing mapagirumdum an publico an BFP padagos an ginigibong Oplan Ligtas program sa mga comunidad bilang pagpagirumdom contra sa destroso kun nagkakaigwa nin kasulo, sabi ni FOI Nesson Vibares kan BFP Camarines Sur.

Naikurit sa provincial office kan BFP an 29 caso nin kasulo kan Enero 2024 na mas halangkaw kan kaparehong peryodo na igwang 17 insidente nin kalayo.

Dai pa kabali sa bilang si nangyaring kasulo kan Febrero 25, 2024 sa pitong kaharongan sa Barangay Sabang, Ciudad nin Naga.

Dawa saen ngunian naglalangkaw an mga caso sa kasulo huli kan El Niño mantang digdi sa Camarines Sur an saindang kampanya an Fire Prevention Month bako lang sa panahon kan tag-init na bulan nin Marso asin Abril alagad sa entero nang taon.

An FPM iyo an pagpagirumdum sa publico kan paglikay o fire prevention sa paagi kan paglibot sa mga mayor na kalye kan mga fire truck.

Katuwang ninda an fire brigade sa barangay asin iba pang volunteer fire brigade.

Hagad ninda an cooperasyon kan mga lokal na gobierno sagcod sa mga opisyales barangay.

Mientras tanto, an opisina kan DSWD Bicol sa Ciudad nin Legazpi nagpaluwas nin P1.6 milyon komo ayuda finansyal sa 84 stall owners sa mercado pubico kan Ciudad nin Iriga na nakarecibe nin tig-a P20,000 afuera kan enot na pinadarang relief goods kan ahencia.