BGen Ariel Reyes, bagong Acting Commander kan 9th ID

Si Brigadier General Ariel M. Reyes iyo na an nagtutukaw na Acting Commander kan 9th Infantry (SPEAR) Division, Philippine Army na may base sa Camp Elias Angeles, Barangay San Jose, Pili, Camarines Sur. Siya nagribay sa nagretiro nang si MGen. Aldwine Almase.

An impormasyon na ini base sa report kan 9th ID. Mientras halawig an saiyang experiencia sa military training, pinamayohan n BGen Reyes an Philippine Army-Australian Army Exercise sa rehiyon Bicol kan nakaaging taon.

Dati niyang pinangenotan an Task Force Sagip, na namahala sa Humanitarian Assistance and Disaster Response Operations kan 9th ID sa Rehiyon Bicol.

Napag-araman na kabale siya sa Philippine Military Academy TANGLAW-DIWA Class kan 1992. Kan bagohan pa sa militar nagkapot siya bilang Platoon Leader sa 26th Infantry Battalion sa Mindanao. Dating Company Commander kan kaparehong Battalion Company kan 47th Infantry Battlion sa Visayas.

An Acting Company Commander iguang master’s degree sa Public Management, major in Development and Security, hale sa Development Academy of the Philippine, asin Master degree sa National Security Administration hale sa National Defense College of the Philippines asin nagserbe sa United Nations peacekeeping mission sa Haiti.