Bicol bird flu free, sabi

Padagos pang mantenido sa rehiyon cinco an ‘‘bird flu free’’ matapos enot nang nagbutwa ini kan nagtalikod na taon, alagad huli kan pagbawal sa pag-angkat kan manok sa mga nasyones kan Japan, Hungary asin California sa posibleng virus sa hayop magiging estricto an ahencia asin sa pag-monitor.

Sa ngunian halangkaw pa an produksyon kan poultry product sa Bicol ngunian na panahon nin pasko yaon naman an homa kan ‘‘bird flu’’.

Alagad sinabi ni Lovella Guarin, opisyal na parataram kan DA Bicol na ‘‘bird flu free’’ pa na posibleng dai man maka-apektar sa lokal na produkto an homa naman kan virus sa poultry products.

Dai palang nahahaloy nagpaluwas nin patanid an DA central office na saindang pinag-babawal an pag-angkat nin manok asin iba pang poultry products hali sa mga nasyon kan Hungary, Japan, asin California huli sa homa naman sa bird flu.

Sa pinaluwas na memorandum orders, ipinahayag ni Agriculture Senior Secretary Domingo Panganiban na sakop kan order iyo temporaryong ipagbabawal an mga ‘‘domestic and wild birds’’ asin an saindang mga produkto, kabali na digdi an mga poultry meat, day old chicks, asin mga semilya.

An Japan Ministry of Agriculture sa World Organization for Animal Health (WOAH) kan premirong semana kan Noviembre 2022 asin kinumfirmar na nagkaigwa nin outbreaks kan avian influenza virus sa Kurashiki City, Okayama Prefecture, Japan na nakaapektar sa mga lokal na produkto.

Naglalaom an industria nin poultry products sa Bicol na dai makaka-apektar sa rehiyon an virus naman sa manok.