Bicol may halangkaw na casosa vote-buying - Comelec

An Rehiyon Bicol saro sa may halangkaw na insidente nin barakalan nin boto sa nagtapos na midterm elections kan Mayo 12, 2025 dawa na ngani nagkaigua sana nin 48 mga nagreclamo, sabi kan Comelec Bicol.

Si Atty Maria Juana Valeza, Regional Director kan Comelec nagsabi an sinambit na datus hale sa anom na provincia kan rehiyon mantang posibleng igua man nag-osip sa Committee on Kontra Bigay sa opisina sentral.

Sa ginibong pag-atubang kan pamayo kan commission sa ginigibong Ugnayan sa Bicol, sinabi kaini an saindang panel determinado na dapat mapinalisar an vote-buyers maging iba pang envuelto digdi mantang nasa pag-imbestigar na sinda.

Mientras tanto, an Comelec central office nagpaluwas na kan calendar of activities para sa nagdadangadang na Barangay asin Sangguniang Kabataan Elections (BSKE), na pigtalaan sa Deciembre 1, 2025.

Ini base sa Comelec Resolution No. 11132. Na pigpirmahan nin Chairman George Erwin Garcia patin kan mga commissioners.

An filing of Certificate of Candidacy sa Oktubre 1–7, 2025. An Election Period masikad sa Oktubre 27–31, 2025; an karampanyahan mapoon sa Noviembre 20–29, 2025 asin an aldaw kan pirilian Lunes, Deciembre 1, 2025.

Alagad sa tahaw kan ginigibong pag-andam kan Comelec kan BSKE, lusot na sa 3rd and final reading sa senado na saindang pigtutulod gibohon na apat na taon an termino mantang sa ejecutivo pinapaboran na dapat gibohon anom na taon. Si Senate President Francis Escudero.