Bicol mayo pang capitalista nganing magtanum cebollas

Nagtutubod an Department of Agriculture (DA) Bicol na kun iguang dakulang capitalista sa rehiyon nganing magtanum cebollas, pwedeng magkaigua digdi nin halangkaw na suplay sa mercado.

An pakulang-kulang nin suplay kan nakaaging bulan saro naman sa isyu sa Filipinas na kabale sa mga dahilan iyo an kamugtakan kan panahon maging an manipulasyon kan ibang mga darakulang negosyante.

Iguang paraoma sa Bicol an nagtatanum nin cebollas alagad sa sadiri sana nindang garden para sa saindang sadiring consumo alagad mayo digdi sa rehiyon nin dakulang capitalista.

Sinabi kan ahencia kabale sa nangyayari sa ngunian siring kan isyu sa suplay na nagrereclamo an paraoma sa mahal na ginagamit na abuno, pesticides, pagkulang-kulang nin trabajadores, asin an problema sa peste.

Kan nagtalikod na bulan nin Noviembre 2025 nagpoon nang maglangkaw an presyo kan produkto maging digdi sa Bicol mala ngani nag-aabot sa P280 hasta P300 cada kilo. Alagad nagbarato na sa ngunian na bulan nin Deciembre 2025 cantidad na sanang P200 an kilo.

An opisina sentral kan DA pigtutulod na dapat magkaigua na sinda nin ‘‘long-term solutions, kabale na an pagbugtak kan ahencia nin sadiring ‘‘storage facilities’’ asin kaipuhan an saindang suporta sa paraoma.