top of page

Bicol PNP nasa full alert sa Oplan Undas

Amay mawarak nin kapupulisan an Bicol PNP sa 299 mga kamposanto sa panahon kan piesta nin mga gadan asin kalag nganing macierto na magiging matuninong an Kabikolan.


Si Brig Gen. Rudolph Dimas nagpaluwas nin direktiva sa anom na mga provincial director sa rehiyon cinco na dapat manteniron an paz y orden sa mga kamposanto na kaipuhan destinohan nin mga miembros kan PNP.


Sa orden kan jefe kan Bicol PNP kabali sa dapat mehilingan nin destinong mga pulis iyo an terminal, airepuerto, sa mga Puerto asin sa iba pang matawong lugar.


Kabali sa Oplan Undas iyo an personajes kan Bureau of Fire Protection, Philippine Coast Guard asin Philippine Army.


Ibabawal sa mga kamposanto an pagdara nin mga nakakaburat na arak, patarum asin iba pang klasing mga armas.


An mga lambang lokal na gobierno igwa nang liquor ban sa mga kamponsato sa pribado asin pampublico nganing maimplementar kan Municipal Police Station sa saindang area of resposability.


Katuwang kan PNP sa Oplan Undas iyo an mga barangay tanod.

留言


bottom of page