Biglaan na brownouts mayo sa kontrol kan Casureco II

Pagwara o biglaan na brownout kan serbisyo nin kuryente sa Camarines Sur II Electric Cooperative (Casureco II) magdedepende man giraray sa National Grid Corporation of the Philippines (NGCP) huli kan pakulang-kulang suplay nin kuryente sa Luzon asin Visayas grid, bako lang Casureco dos an apektado envez an Bicol Electric Cooperative sa Rehiyon Bicol.

Piglinaw kan manihamiento kan Casureco II sa paagi kan saindang opisyal na parataram, Rinner Bucay na sinda napaluwas nin anuncio kun magkakaigua nin brownout alagad mayo sinda nin kontrol sa biglaan na anuncio an.

Dai sinda nin kasegurohan dawa igua na nin anuncio sa estableng suplay nin kuryente sa Luzon asin Visayas grid kun magka-problema naman yaon nayan sa NGCP sa rason kan ahencia na nagkukulang nin suplay nin kuryente kaya nagkakaigua nin Manual Load Dropping.

An power suppliers nagkukulang-kulang an saindang suplay na nag-aagi sa linya kan NGCP pasiring sa mga cooperativa nin electricidad. An apektado iyo an Luzon asin Visayas grid.

Sinabi pa kan cooperativa an red alert status pinapaluwas kun nagkukulang an suplay nin kuryente na kaipuhan kan consumedores mantang an yellow alert pinaluwas kun bakong suficiente an kinakaipuhan kan transmission grid.

Nangyayari an mga brownout poon sa oras na alas 3:00 nin hapon hasta alas 10:00 nin bangui huli ta halangkaw an consumo nin kuryente sa tahaw kan mainit na panahon.

Kun padagos na nagkukulang an suplay nin kuryente hale sa mga power suppliers piglalaoman an dagdag na sacrificio kan consumedores mantang ciertong mapatong naman sa tarifa nin kuryente, sabi pa kan Casureco II.