Bikolano nagpaheling na nin fuersa sa Solid Leni Movement

Nagkakasararo an civil society sa Bikol nganing ipaheling an saindang fuersa sa ginibong BUNGKARAS launching of the Solid Leni Movement-Bikol kan Hulyo 11 sa JMR Museum, Ciudad nin Naga matapos maging halangkaw si turn-out na sobra pa sa diez mil an nagparticipar sa paagi kan Facebook live asin via Zoom.

Bako lang hale sinda sa anom na provincia envez si mga Overseas Filipino Workers, mga asensado na sa abroad, professional mga paraoma asin iba pang sektores.

An grupo sarong volunteer movement kan Bikolnon hale sa manlaen-laen na kinaban sa pangapudan ki Bise Presidente Leni Robredo na magdalagan Presidente sa eleksyon nasyonal sa 2022.

Bikol Solidarity for Leni piglansar sa JMR Museum, Ciudad nin Naga na ribo-ribo an nagparticipar sa FB Live asin sa paagi nin Zoom. (Sa retrato si dating Alcalde Sabas Mabolo kan San Fernando, Camarines (naka-tindong), mga panelist (hale sa wala) sinda Atty. Ricky Tomotorgo, Atty. Taikee Calleja, Atty. Miles Raquid-Arroyo asin Abet Bercado mga Co-Lead Convenor. (DPAureus)

Si Atty. Mila Raquid-Arroyo, co-lead convenor nagpahayag ‘‘launching’’ pa sana an saindang actividad alagad naging marhay si turn-over dawa na ngani may minsan may problema sa internet connectivity kan PLDT asin Converge.

An misyon kan Solid-Leni-Bikol movement nganing ipaheling ki Bise President Robredo na preparado na an mga Bikolano para sa saiyang laban sa maabot na presidential election sa Mayo 9, 2022.

Sa mensaje kan iba pang co-lead convenor na si VP Leni ‘‘igwang integridad, capacidad, mahusay at matino leadership’’.

Sinabi pa sa programa na ‘‘Mayo na kitang panahon para magtururog sa pansitan. BUNGKARAS na Kita. TARA NA, TARA NA Laban Leni, Laban Bikol, Laban Pilipinas Rumpagon ta na pagtios. Itindog ta ang Mauswag na Pilipinas.’’

An mga co-lead convenor na nagtao kan saindang pangapudan sa mga Bikolano na magkasararo para ki VP Leni sinda, Atty. Angel Ojastro III, Abet Bercacio, Atty. Arroyo, Atty. Ricky Tomotorgo na nagrepresentar kan Camarines Sur asin dating Alcalde Sabas Mabolo kan San Fernando, Camarines Sur.

An iba pa sinda, Rocio Nuyda sa Filipinos Overseas, Atty. Francis Papica sa USA, Dr. Ricardo Isip kan Albay asin nagrepresentar kan Health workers, Loida Nicolas Lewis Chair, US Filipinos for Good Governance, Atty. Taike Calleja kan Albay, Edgardo Balastas sa Sorsogon, Andrei Barsaga Diez sa Masbate asin Randy Perigrino kan Camarines Sur.

Yaon an manlaen-laen na organisasyon nin OFW Bikolano, kinababalehan kan Poblacion Overseas Beneficiary Association, Familyang Migrante sa Ciudad nin Naga, Organisasyon Familyang Legazpi, Talubo OFW Federation, Bicol Hongkong, Magdalo Hongkong, Silent Majority in Hongkong, Liberal Party Hongkong, health workers asin professionals. (dpa)