BILOG AN MUNDO

Tigsik ko an padi kong tapayason
Nag New Year na, dae pa nag-aagom
Pigpurok na, dae pa nagsyasyapol
Yabyab an pakpak, pirming rokrokon!
Tigsik ko an kada Bagong Taon
Dagdagan, dae pagribayan an agom
Ok si madi basta sekretohon
Para bilog na taon matuninong!
Tigsik ko an nakaaging purotokan
May nalagarto, iguang nalasikan
May nalugadan, iguang nahospital
May nagtirik an mata, pag-uli, sakang!
Tigsik ko an uran na pangmayaman
An tropa maghapon nag-irinoman
Patak-patak hale sa kinayudan
Pag-uli, tabuga kan agom an pamanggihan!
Tigsik ko an malipoton na mundo
Makapungaw sa tunay na amigo
Orug na pagkabangging solo-solo
Alfonso, Miguelito, haen na kamo?!!!
Tigsik ko sa kinaban may sarong totoo
An buhay weder-weder, panegurado
Basta may pulutan, mga amigo
Tagay sanang tagay, BILOG AN MUNDO!
Comments