BINATUTA KAN PULIS

Tigsik ko ining pulis trafico

Pinaalpogan kan hadi kan tinampo

An tambutso luminaad, nagkalayo

An talinga ni Sir nag-aso-aso!

Tigsik ko pa an pulis trafico

An hapot kan dakol na tawo

Hadaw ta kun nakabantay sa tinampo

Gurubot an dalagan kan mga vehiculo?

Tigsik ko an kapeng pulis

Palibhasa kun minsan gratis

Kargado sa azucar, sobrang hamis

Nyaaa! Remate an diabitis!

Tigsik ko ining pulis matulis

Pwerte an pakaatado, hipid na hipid

An uniporme matarom an pligis

Nalulugad an natatamaan na chicks!

Tigsik ko an pulis sa ibabaw kan tulay

An tawo-tawo abaa nang bublay

Mandikitdikit sige an hakay

Nagpapa-cute, nagpipirawpitaw!

Tigsik ko an machong si Adonis

Binatuta kan pulis na makuris

Tuminukad sa tolong bukid

Duman, aldaw-banggi an pagtangis!