‘BiyaHealthy’ advocacia kan DOH sa panahon nin Pasko

Bako sanang ''Iwas Paputok'' an kampanya kan Departamento de Salud (DOH) sa Bicol envez ginibo nang tolong ‘‘sub campaigns na Ligtas Christmas na "BiyaHEALTHY" ngunian na panahon nin Pasko envez Healthy Handaan at Iwas Paputok’’.

An DOH Bicol sa paagi ni assistant regional director Dr. Rempillo nagpahayag na ngunian na panahon nin Pasko dapat bako sanang kaogmahan an mga preparasyon alagad maglikay na kinababalihan kan BiyaHealthy ngunian na Pasko na dapat magseguro sa road safety sa mga viaje pag- iwas sa pagmamanijo na nakainum nin arak hale sa mga Christmas parties; An Healthy Handaan iyo an pagseguro kan mga piling healthy food envez sa mga lechon nganing likayan an mga helang sa hypertension asin diabetes asin likayan an mga bisyo sa pagpara-inum nin nakakaburat na bagay asin sigarilyo; asin ''Iwas Paputok'' pangapodan kan ahencia na pillion an bakong mga makukusog na paputok na delicado sa aksidente.

Katuwang ninda sa kampanyang ini an mga lokal na gobierno, Philippine National Police asin maging an Bureau of Fire Protection.

An saindang advocaciang ini huli ta cada pagsabat kan aldaw nin Pasko asin Bagong Taon dakul an mga dinadarang pasyente sa hospital na nadidisgracia sa rebentador, aksidente sa trafico asin atake sa high blood.

Taon-taon an kampanya kan ahencia naghuhuros naman an caso na pigdadara sa mga hospital alagad igua pang mga nabibiktima, sabi kan DOH.