Brgy Law Center enot sa Ciudad nin Naga

An pinaka-premirong Barangay Law Center sa Filipinas natugdas sa Barangay Concepcion Grande, Ciudad nin Naga kan Martes, Oktubre 5, 2021 sa iniciativo kan Brgy. Council sa pamamayo ni Punong Barangay Mike Oliva.


Si dating Alcalde John Bongat sa paagi kan saiyang programa sa radyo ‘‘Abogado Juan at Your Service’’ saro sa mga matabang sa programa kan barangay council komo volunteer lawyer asin iba pang mga miembros kan Integrated Bar of the Philippines, Camarines Sur Chapter asin mga estudiantes sa abogacia sa Ateneo De Naga University asin University of Nueva Caceres.


An dating alcalde dai nag-duwa-duwa na mag-ako mag-opresir kan saiyang serbisyo legal mantang makakatabang an programa sa mga pobreng residentes sa mga barangay na kaipuhan an tabang legal.


Sinabi ni PB Oliva an saindang programa bako lang sa mga residentes kan saindang barangay envez maging hale pa sa ibang veinte siete barangay kan Ciudad nin Naga.


Si Bongat sa programa kaini sa radyo ‘‘Abogado Juan at Your Service’’ sa free legal consultation nakakatabang pa bako lang sa residentes kan ciudad alagad sa iba pang namamanuan sa Kabikolan kaya ngani pig-opresir niya an tabang sa Barangay Law Center.


Si Congressman Gabby Bordado kan tercer distrito kan Camarines Sur saludo sa consejo de barangay na naisipan an programa bako lang para sa mga residentes kan Concepcion Grande envez bukas sa gabos na barangay kan ciudad.

An simpleng blessing and inauguration ginibo sa Barangay Hall aga kan Oktubre 5. (dpa)