BSKE posibleng dai naman madagos, sabi

Nagtutubod an Commission on Election (Comelec) apesar kan saindang mga pag-andam alagad 50-50 nang madadagos an nakatalaan na Barangay Sangguniang Kabataan Elections (BSKE) sa Noviembre 2, 2026.

Alagad sa Comelec sa Ciudad nin Naga na pinamamayohan ni Atty. Maico Julia Jr, sinabi kaini na andam na sinda para sa nakatalaan na BSKE mantang natapos na ninda si orientation sa mga macandidato sa SK asin Barangay kan Agosto 21 asin 22.

Sinabi kaini, na dawa 50-50 nalang an nakatalaan na BSKE, padagos an saindang pag-andam mantang naghahalat sana sinda kan pinal na desisyon kan senado.

Nakalusot na sa committee level sa senado an pag-uktaba kan BSKE, alagad maaprubaran man nagtutubod si Julia na posibleng cuestionon sa Korte Suprema an pag-uktaba naman kan nakatalaan na eleksyon.

An mawot mangyari sa propuesto kan senado gibohon limang taon an termino kan opisyales de barangay.

An Comelec Central Office nagsabi na kun i-uktaba naman an BSKE magsasayang sana nin 8 bilyones an Comelec.

An BSKE nakatalaan sa Noviembre 2, 2026 kun dai madadagos ika-duwang veces na ining pag-uktaba.

An Comelec nagsabi na dapat sa ika-duwang semana kan Septiembre magdesisyon na an Senado kun i-uuktaba nganing pundohon na ngona an saindang mga pag-andam sa pirilian.

Napag-araman na temporaryong pinugol ngona kan Comelec Central Office an pagpadara kan mga election supplies sa tahaw kan planong pag-uktaba kan pirilian.

Apesar kan propuesto sa senado an mga Election Officers dai uyon na i-uktaba naman huli ta sayang an saindang mga pag-andam asin gastos.

Maging an ibang asperante naggagastos na sa saindang amay na pagcampanya.