BSP, PNP nagpatanid sa publico sa pagcircular kan fekeng cuarta

An Bicol PNP na pinamamayohan ni P/BGen Andre Dizon asin an Bangko Sentral ng Pilipinas (BSP) nag-alerto sa publico kan posibleng pagbutwa kan counterfeit peso bills ngunian na holiday season.

Piglalaoman na dakul an mga mapasiring sa mga malls asin iba pang lugar huli ta dakul an nagrecibe nin bunos siring kan empleados sa gobierno asin sa pribadong sektor alagad masabay digdi an modus operandi nganing makacircular kan fekeng cuarta.

Sinabi kan duwang ahencia na kaipuhan maging vihilante asin malikay an publico asin seguradohan na reparohon an kinakapotan ninda nin peso bills.

Dapat isombong tolos kan mabibiktima sa pinakaharaning Police Station nganing makaresponde asin madakop an responsable sa ilegal na actividad, sabi pa kan PNP asin BSP.

Afuera kaini, sa panahon kan eleksyon posibleng magcircular an counterfeit money mantang makuriyat an ‘‘dirty money’’ hale sa ibang politico nganing maseguro sana an kapanganahan sa eleksyon sa paagi nin pagbakal boto alagad feke an gagamiton na cuarta.

Kadakle kan posibleng magbutwang fekeng cuarta mga 1,000 asin 500 peso bills.