BUNGOL!

Tigsik ko an solterong taga Lukid

Nagpa- Centro ta maboblay sa bukid

Nabuyong sa Red Horse, namulidpulid

Nag tumbling sa imburnal, num, solid!

Tigsik ko an taga barangay Hayaka

Odto na, pwerte pa an pakatihaya

Tinapirang kan sosyal na Agta

Aw ta dae lamang nakapangastila!

An buhay sa barangay tigsik ko man

Bakong complicado simple lang maray

Basta may lending saka may Bombay

An dalagan kan Mundo ayos lang!

Tigsik ko an pirilian sa barangay

Kun igilid dakol an hayahay

Dawa an official pabugalbugal

Steady an honorarium bulanbulan!

Tigsik ko an bagong candidato

Atat na atat magkaiguang puwesto

Dapat an wallet paldo, pusog an braso

Tanganing an kalaban malagarto!

Tigsik ko an pirilian sa barangay

An minagana bakong an may kakayahan

Kundi an may pamilyang dakol an bilang

Dawa BUNGOL nagigin oficial!