BURARAT AN MATA

Tigsik ko an Ate mong pikon

Kan pighapot sa saiyang gastoson

Sus, an saiyang lalawgon nag-alsom

Haros pa sana magpurongpusong!

Tigsik ko ining si Madam Lustay

Ay! Saro palan na amigang hilaw

Kan binagyo an mga kababayan

Tinuwadan, nagpasiramsiram!

Tigsik ko an librong «Isang Kaibigan»

Wow, an budget tabi palabaw

Sa ibang libro ini kinopyahan?

Pa-beauty points, anas pa-epal!

Tigsik ko ining aking pasaway

An kalokohan namana sa Tatay

Kun ano an poon, iyo an bunga man

Sobrang alsom, ika mapaparaway!

Tigsik ko man an Intelligence Fund

Nakakalula, napakahalangkaw

Para sa seguridad daa, an abhaw

Pero an resulta, anas palpak, sablay!

Tigsik ko an ngaran na delicadeza

Sa mga nasa trono, nawara na

Mientras na bundat an bilog na pamilya

An banwa guslok, burarat an mata!