top of page

BUY ONE, TAKE ONE!



Kan sarong aldaw iyo na an kapinonan

Kan karampanyahan sa satong barangay

An espiritu kan kadaklan buhay na buhay

Cool ka lang, ini kawat magturugang!


Siempre pa, makolor an kapalibotan

Ika talagang macoconsuelohan

Sa mga bibong Pinoy na kaisipan

Basta sa panahon na iguang pirilian!


An mga alyas nagruruluwasan

Iguang Balanak, may Patianak man!

May Tambalusi, ay, ano ba yan?

Ika mapapangirit dawa solo ka lang!


Pati na an slogan saka battle cry

Gabos pambihira, ika mapapa-WOW!

Maitaas pati an saimong kiray!

Simpleng pambobola, pakilaghan!


Naromdoman ko kan ako estudiante pa

Iguang tolong kandidato sa Naga

Da best naisipan na mga plataporma

An mga Bicolano oragon talaga!


An saro, gigibohon swimming pool 

   Salog kan Naga

Ikaduwa, aatopan an Naga, nun abaa na!

Ikatolo, cable car from Isarog to Plaza

Tian sana, mga buwang talaga!


May negociante, owner nin funeraria

Kan magcandidato, siya piglamuda na

Piglampaso pa pagbirilangan nin balota

Kawasa, BUY ONE, TAKE ONE, 

   plataporma niya!


コメント


bottom of page