CADENA DE AMOR

Tigsik ko an gawing Bayanihan

Culturang dapat na magdanay

Gurano man kagabat, minagean

Kun sararo, sarabay, turuwang!

Tigsik ko an Tinapay nin Buhay

Kun yaon saimo aroaldaw

Dae ka na nanggad magagadan

Yaon saimo an Kagurangnan!

Tigsik ko an kada kaagahon

Pirming may daradarang paglaom

Magbangon, may huyom sa lalawgon

Magean an bilog na maghapon!

Tigsik ko an buhay sa kinaban

Garong kikilat, minaage lang

Maggibo nin tama aroaldaw

Paghale mo marurumdoman!

Tigsik ko an kada pagsirang kan aldaw

May Marhay na Bareta sa kinaban

Magayon, maogma an satong buhay

Kun kaibahan an Kagurangnan!

Tigsik ko an Musica

Magirok sa talinga

Talanhok sa kalag ta

Awit kan angeles sa Gloria!

Tigsik ko an Cadena de Amor

Itinusok sa puro kan canyon

Nagputok, an parong makusogon

Nakasangab, gabos nakahuyom!