top of page

CamSur nangenotan sa drug affected sa Bicol

An Camarines Sur iyo an nangengeton sa Bicol sa drug affected alagad an rehiyon cinco nag-iikatolo sa mga rehiyon sa nasyon mantang an nangenotan iyo an National Capital Region (NCR) asin nagsunod an rehiyon tres.


Ini an mga pahayag sa media ni regional director Edgar Juday kan Philippine Drug Enforcement Agency (PDEA) sa Bicol kan siya maging juespe de honor sa ginibong inagurasyon kan Balay Silangan Reformation Center sa Canaman, Camarines Sur kan Marso 15, 2023, ika-58 Center sa Bicol. Dai man nagpaluwas nin datus an PDEA sa caso sa ilegal na droga.


Kaibanan niya sa programa iyo an mga opisyales kan PDEA sa rehiyon asin CamSur Provincial Office.


Saiyang pinaliwanag na kun nangenotan an Camarines Sur sa drug affected sa rehiyon nin huli ta iyo an pinakadakulang provincia asin yaon pa an ciudades kan Naga asin Iriga.


Dinagdag pa kan jefe kan PDEA Bicol kun nasa top three sa mga rehiyon an Bicol mantang yaon digdi an ginigibong pagtransportar palaog sa Camarines Sur hali sa NCR asin paluwas pasiring sa rehiyon kan Visayas. Sinabi pa kan PDEA dapat maging estricto na sinda sa mga border control palaog asin paluwas sa Kabikolan.


Mientras tanto sa pinaluwas na datus kan Enero 2023 hali sa Camp Semion Ola, Ciudad nin Legazpi maabot na sa 2,170 kan 2,793 sa mga drug affected barangays declarado na komo drug cleared.


An giyera laban droga naging estricto an mga awtoridad sa panahon kan administrasyon ni dating Presidente Rodrigo Duterte sagcod na pinapadagos kan bagong administrasyon ni PBBM.

Comentarios


bottom of page