CASURECO II liwat mapalangkaw tarifa

Hali sa hababang tarifa nin kuryente kan Marso 2024, an Camarines Sur II Electric Cooperative (Casureco II) nagkumfirmar na mabwelta an saindang singil sa power rate kan Febrero ngunian na taon.

Sa hababang tarifa kan Marso 2024 na nagcacantidad nin P5.137 cada kilowatt (kWh) sa residential alagad ngunian na Abril nagsakat sa P7.914l/ kWh, sabi kan spokesperson kan cooperative, Rinner Bucay.

Kasabay kan paglangkaw sa tarifa sa Low Voltage – P7.0388/kWh saka sa High Voltage – P6.1337/kWh.

Pigdahilan kan Casureco II kun naglangkaw an tarifa huli kan inaapod ‘‘over & under recovery’’ na pig-iimplementar kan gabos na cooperativa nin electricidad sa nasyon.

Sa ngunian an Casureco II igwa nang 120,000 miembros-consumedores sakop an onseng distrito kan cooperativa.

Dai piglinaw kan cooperativa kun sagcod nuarin ipapasunod an dugang na tarifa mantang nag-dedepende sa Energy Regulatory Board, segun pa ki Bucay.

Sa posibleng pagnipis kan suplay nin kuryente huli kan El Niño, dai pang kumfirmasyon an manijamiento mientras na hinahalat ninda an opisyal na anuncio hali sa National Grid Corporation of the Philippines (NGCP).

Haros cada bulan nin tag-init nababa an suplay kan kuryente na nagigin causa kan mga biglaan na brownout.