CDEU kan NCPO gabos negativo sa droga - CD

An Naga City Police Office (NCPO), orgulyo an saindang grupo kan City Drug Enforcement Unit (CDEU) na gabos negativo sa ilegal na droga.

Si City Director Col. Erwin Rebellion nagpahayag sa miembros kan media na sa ginibong surprisang drug test sa 80 kapupulisan na kabali sa grupo kan CDEU gabos malinig sa ilegal na droga.

An CDEU an saindang misyon an paglaban sa ilegal na droga na halangkaw an acomplisimiento sa mga envuelto sa droga mala ngani sa report kan Camp Semion Ola, regional office kan Bicol PNP an NCPO asin PPO Camarines Sur iyo an may halangkaw na record na mga dakop sa responsable sa ilegal na actividad.

Alagad dakul an mga nagkakadarakop huli ta an ciudad na ini saro sa bagsakan nin droga na pigbabariwas sa ibang mga banwaan.

An NCPO na kumpuesto nin 300 na miembros magpapadagos pa kan mga surprisang drug test sa mga Police Station asin iba pang grupo ninda na destino sa iba pang mga unit, sabi pa ni Rebellion.

Sinabi pa kan CD an saindang regular na drug test sa kapupulisan kan ciudad nganing maseguro na mayong envuelto sainda sa ilegal na droga asin kun igua man maatubang nin disciplinary action susog sa pigmamando kan ley.

PCR MONTH. Kick-off Activity sa ika-29 Police Community Relations Month ngunian na Hulyo 2024 kan Naga City Police Office, an tema ngunian na taon ‘'Ligtas ka sa Bagong Pilipinas’’ na pinangenotan ni City Director PCol. Erwin Rebellion, sa presencia ni P/Inspector Shirley Aguilar, Assistant Technical Services Division Chief, NAPOLCOM R-5 bilang juespe de honor na ginibo sa Flag Raising Ceremony sa NCPO Barlin St., Ciudad nin Naga. An misyon kan PCR sa pamamayo ni Lt. Col. Chester Pomar, maparani an kapupulisan sa comunidad. (NCPO)