top of page

City Hall mautang P150-M

Pinaboran kan gabos na miembros kan Sangguniang Panlungsod sa Ciudad nin Naga an ordinansa para makautang an City Hall sa bangko nin P150-M nganing gamiton pambakal nin 20 hektarya lote para sa bagong lugar kan government center asin GIS Automation project.

Sinda Consejal Vidal Castillo asin Consejal Salvador Del Castillo nagpahayag sa Bicol Mail na nag-agi sa gabos na proceso antes inaprubaran an ordinansa sa ginibong sesyon regular kan SP kan Abril 23, 2024.


An babakalon na mahiwas na lote planong ibalyo digdi an City Hall building na piriot na an mga opisina, kulang na an parking area alagad mayo pang ‘‘definite plan’’ kun nuarin maiimplementar.


Ini an mga pahayag sa BM ni City Administrator Elmer Baldemoro huli ta katuyohan kan ciudad bilang antisipasyon sa pagparalangkaw sa presyo kan lote asin makabakal nin mas barato sagcod an pigtutulod na GIS project.


Dai na ngona sinabi kun saen na barangay mabakal nin lote.


Sinabi pa sa ngunian an gobierno nasyonal mawot magpatukdo sa ciudad nin edificio kan Department of Migrant Wokers na puedeng tawan lugar sa babakalon na lote.


Kan premirong termino sa administrasyon ni Legacion nakautang na an ciudad sa DBP nin P350-M kan taon 2022 mantang ngunian na 2024 kun maaprubaran sa bangko P150-M igwa nang total na P.500 bilyon.


An enot na inutang ginamit sa pinatugdok na bagong Naga City General Hospital asin patinampo sa Barangay Balatas na inaapod nang Balatas Development Center.


Comments


bottom of page