City Hall tikapo sa fondo para sabagong traffic lights, CCTV camera

Ciudad nin Naga --- Kulang an fondo kan City Hall sa hinahagad kan Public Safety Office (PSO) nganing makabakal nin bagong mga traffic lights na nagcacantidad nin P40-M asin P20-M para sa CCTV camera.

Dawa hale sa ‘‘savings’’ dai kakayahon sa fondo ngunian na taon envez kaipuhan na an appropriation ordinance kan Sangguniang Panglungsod para sa sunod na 2025 annual budget.

Ini an pahayag ni Budget Officer Frank Mendoza sa entrevista kan Bicol Mail sa tahaw kan mga pahayag sa media ni Renne Gumba, jefe kan PSO kan ciudad na naghahagad na sinda nin fondo sa Budget Office tanganing makabakal nin bagong traffic lights asin CCTV camera.

Kadakle kan mga department office kan City Hall naghahagad nin dugang na fondo para sa saindang proyecto alagad dai nahihipnoan envez napapaonrahan sana depende sa fondo kan ciudad, sabi pa ni Mendoza.

Natutuyawan na kan mga motorista an nakapalibot na traffic lights sa mga mayor na calle kan ciudad huli ta dai man punsiyunal maging an kawaran nin mga CCTV camera sa estratihicong lugar.

Sa dating administrasyon ni Alcalde John Bongat kinabit an mga traffic lights asin aroaldaw nakakatabang sa pagmantenir kan bulos nin trafico alagad an tuyaw kan motorista pang ‘‘display na sana’’