Comadaycaday, Comadogcadog

Tigsik ko an Barangay Taraka

Odto na, an gabos nakatihaya

Sinakyada kan sosyal na mga Agta

Uminatras dae nakapaghimuta!

Tigsik ko an Barangay Aragitong

An mga babae burikaton

Sa maghapon na tiripontipon

Nakatahi nin mga osipon!

Tigsik ko an Barangay Gimaga

May nagtindang tilapiang mataba

Sa may kurbada tuminihaya

An piga nakaurola, malalata!

Tigsik ko an Barangay Quinale

Bago pa ngani magdiklom an banggi

Gusto nang ladupon kan mga lalaki

Atat na atat, dae pa tapos an duty!

Tigsik ko an Barangay Comadaycaday

Mga misis daeng huraw an agrangay

Kada banggi nag-aatake an aswang

Sa diklom an hitsura garong pakal!

Tigsik ko an Barangay Comadogcadog

Sobra an isog kan mga talusog

Hasta mag-aga dae nadadakop

Kublit mapulot, mahalnas an barungot!