Comelec dinadagsa na nin mga maparehistro

Mahibog an mga nagpipila nin amay sa mga opisina lokal kan Commission on Election (Comelec) sa Camarines Sur nganing magparihistro asin makaparticipar sa nakatalaan na SK asin Brgy Elections kumpara sa mga nakaaging eleksyon lokal asin nasyonal.

Ini an na-obserbaran kan Comelec Camarines Sur mantang an mga votantes sa barangay igwa mga kanya-kanya asin sadiring tawo na mapapalaban sa Sangguniang Kabataan asin Barangay elections sa Deciembre 5, 2022.

Maging sa Ciudad nin Naga, Sinabi ni Election Officer asin official spokesperson kan Comelec sa provincia ini an saindang naheheling base sa listahan mala ngani sa aroaldaw inaabot nin sangatos na registrant.

Nakadagdag pa digdi iyo an limitadong aldaw nganing makarehistro sa Comelec na nagpuon kan Hulyo 4 hasta Hulyo 23 Lunes hasta Sabado, kabale an mga holidays, poon alas 8:00 nin aga sundo alas 5:00 nin hapon.

Afuera pa kaini, an mga jovenes na maparticipar sa SK election dapat nag-eedad na nin 14 hasta 17 anyos mantang si regular na votante 18 anyos pataas.

Ginigibo kan Comelec iyo an mga satellite registration sa mall asin sa mga barangay.

Nganing marikas an proceso puede nang i-print, simbagan nin tama asin andaman an application forms na makukua sa website kan Comelec.

An aviso pa kan commission an mga mapalista magdara nin proofs of idintity o valid ID, sadiring ballpen asin alcohol. Sinasabihan pa kan Comelec na magsulot nin face masks asin sunodon an physical distancing.

Sa isyu sa posibleng paggilid nguna kan eleksyon yaon na ini sa desisyon kan congreso, sabi pa.

Mga jovenes kadakle kan mga nagpaparehistro sa satellite registration kan Comelec sa San Jose, Camarnes Sur. (Conci FB)